(1)మరీచి కొడుకు కశ్యప ప్రజాపతి. బ్రహ్మదేవుడి కుడి చేతి బొటన వేలి నుండి దక్షుడు అనే పురుషుడు, ఎడమచేతి బొటన వేలి నుండి ధరణి అనే స్త్రీ జన్మించారు. వారు ఇరువురికి వెయ్యి మంది మహా రుషులు జన్మించారు. (2)బ్రహ్మ మానస పుత్రులలో రెండవ వాడైన అంగిరుసున కు, ఉతధ్యుడు, బృహస్పతి, సంవర్తుడు అనే కొడుకులు పుట్టారు. బృహస్పతి దేవతలకు గురువు ఐనాడు. (3).అత్రి అనే మానసపుత్రునికి అనేక మంది మహా మునులు జన్మించారు.(4) పులస్త్యుడు అనే బ్రహ్మ మానసపుత్రునకు, రాక్షసులు జన్మించారు. (5)పులహుడు అనే మానస పుత్రునకు, కిన్నరలు, కింపురుషులు జన్మించారు.(6)క్రతువు అనే మాన సపుత్రునకు పక్షి జాతి పుట్టింది.

ఆదిపర్వ - అధ్యాయ 168

॥ శ్రీః ॥
1.168. అధ్యాయః 168
Mahabharata - Adi Parva - Chapter Topics
హిడింబయా సహ పాండవానాం శాలిహోత్రసరోగమనం॥ 1 ॥
శాలిహోత్రేణ తేషామాతిథ్యకరణం॥ 2 ॥
సమయకరణపూర్వకం భీమేన హిడింబ్యాః పరిగ్రహః॥ 3 ॥
రమణీయేషు ప్రదేశేషు భీమేన సహ క్రీడిత్వా సాయాహ్నే శాలిహోత్రాశ్రమం ప్రతి హిడింబ్యా నివర్తనం॥ 4 ॥
తత్ర వ్యాసాగమనం॥ 5 ॥
వ్యాసేన కుంత్యా ఆశ్వాసనం॥ 6 ॥
వ్యాసస్య ప్రతినివర్తనం॥ 7 ॥
Mahabharata - Adi Parva - Chapter Text

వైశంపాయన ఉవాచ। 1-168-0x(985)(7665)
యుధిష్ఠిరవచః శ్రుత్వా కుంతీమంగేఽధిరోప్య సా।
భీమార్జునాంతరగతా యమాభ్యాం చ పురస్కృతా॥ 1-168-1(7666)
తిర్యగ్యుధిష్ఠిరే యాతి హిడింబా భీమగామినీ।
శాలిహోత్రసరో రంయమాససాద జలార్థినీ॥ 1-168-2(7667)
వనస్పతితలం గత్వా పరిమృజ్య గృహం యథా।
పాండవానాం చ వాసం సా కృత్వా పర్ణమయం తథా॥ 1-168-3(7668)
ఆత్మనశ్చ తథా కుంత్యా ఏకోద్దేశే చకార సా।
పాండవాస్తు తతః స్నాత్వా శుద్ధాః సంధ్యాముపాస్య చ॥ 1-168-4(7669)
తృషితాః క్షుత్పిపాసార్తా జలమాత్రేణ వర్తయన్।
శాలిహోత్రస్తతో జ్ఞాత్వా క్షుధార్తాన్పాండవాంస్తదా॥ 1-168-5(7670)
మనసా చింతయామాస పానీయం భోజనం మహత్।
తతస్తే పాండవాః సర్వే విశ్రాంతాః పృథయా సహ॥ 1-168-6(7671)
యథా జతుగృహే వృత్తం రాక్షసేన కృతం చ యత్।
కృత్వా కథా బహువిధాః కథాంతే పాండునందనం॥ 1-168-7(7672)
కుంతీ రాజసుతా వాక్యం భీమసేనమథాబ్రవీత్।
యథా పాండుస్తథా మాన్యస్తవ జ్యేష్ఠో యుధిష్ఠిరః॥ 1-168-8(7673)
అహం ధర్మవిదాఽనేన మాన్యా గురుతరా తవ।
తస్మాత్పాండుహితార్థం మే యువరాజ హితం కురు॥ 1-168-9(7674)
నికృతా ధార్తరాష్ట్రేణ పాపేనాకృతబుద్ధినా।
దుష్కృతస్య ప్రతీకారం న పశ్యామి వృకోదర॥ 1-168-10(7675)
తస్మాత్కతిపయాహేన యోగక్షేమం భవిష్యతి।
క్షేమం దుర్గమిమం వాసం వత్స్యామ హి యథా వయం॥ 1-168-11(7676)
ఇదమన్యన్మహదుఃఖం ధర్మకృచ్ఛ్రం వృకోదర।
దృష్ట్వైవ త్వాం మహాప్రాజ్ఞ అనంగాభిప్రచోదితా॥ 1-168-12(7677)
యుధిష్ఠిరం చ మాం చైవ వరయామాస ధర్మతః।
ధర్మార్థం దేహి పుత్రం త్వం స నః శ్రేయః కరిష్యతి॥ 1-168-13(7678)
ప్రతివాక్యం తు నేచ్ఛామి ఆవయోర్వచనం కురు। 1-168-14(7679)
వైశంపాయన ఉవాచ।
తథేతి తత్ప్రతిజ్ఞాయ భీమసేనోఽబ్రవీదిదం॥ 1-168-14x(986)
శాసనం తే కరిష్యామి వేదశాసనమిత్యపి।
సమక్షం భ్రాతృమధ్యే తు తాం చోవాచ స రాక్షసీం॥ 1-168-15(7680)
శృణు రాక్షసి సత్యేన సమయం తే వదాంయహం।'
యావత్కాలేన భవతి పుత్రస్యోత్పాదనం శుభే॥ 1-168-16(7681)
తావత్కాలం చరిష్యామి త్వయా సహ సుమధ్యమే।
`విశేషతో మత్సకాశే మా ప్రకాశయ నీచతాం॥ 1-168-17(7682)
ఉత్తమస్త్రీగుణోపేతా భజేథా వరవర్ణిని। 1-168-18(7683)
వైశంపాయన ఉవాచ।
సా తథేతి ప్రతిజ్ఞాయ హిడింబా రాక్షసీ తథా॥ 1-168-18x(987)
గతాఽహని నివేశేషు భోజ్యం రాజార్హమానయత్।
సా కదాచిద్విహారార్థం హిడింబా కామరూపిణీ॥ 1-168-19(7684)
భీమసేనముపాదాయ ఊర్ధ్వమాచక్రమం తదా।
శైలశృంగేషు రంయేషు దేవతాయతనేషు చ॥ 1-168-20(7685)
మృగపక్షివిఘృష్టేషు రమణీయేషు సర్వేషు।
కృత్వా సా పరమం రూపం సర్వాభరణభూషితా॥ 1-168-21(7686)
సంజల్పంతీ సుమధురం రమయామాస పాండవం।
తథైవ వనదుర్గేషు పర్వతద్రుమసానుషు॥ 1-168-22(7687)
సరస్తు రమణీయేషు పద్మోత్పలవనేషు చ।
నదీద్వీపప్రదేశేషు వైడూర్యసికతేషు చ॥ 1-168-23(7688)
దేవారణ్యేషు పుణ్యేషు తథా పర్వతసానుషు।
సుతీర్థవనతోయాసు తథా గిరినదీషు చ॥ 1-168-24(7689)
సాగరస్య ప్రదేశేషు భణిహేమయుతేషు చ।
గుహ్యకానాం నివాసేషు కులపర్వతసానుషు॥ 1-168-25(7690)
సర్వర్తుఫలవృక్షేషు మానసేషు వనేషు చ।
బిభ్రతీ పరమం రూపం రమయామాస పాండవం॥ 1-168-26(7691)
`యథా సుమోదతే స్వర్గే సుకృత్యప్సరసా సహ।
సుతరాం పరమప్రీతస్తథా రేమే మహాద్యుతిః॥ 1-168-27(7692)
శుభం హి జఘనం తస్యాః సవర్ణమణిమేఖలం।
న తతర్ప తదా మృద్గన్భీమసేనో ముహుర్ముహుః॥' 1-168-28(7693)
రమయంతీ తతో భీమం తత్రతత్ర మనోజవా।
సా రేమే తేన సంహర్షాత్తృప్యంతీ చ ముహుర్ముహుః॥ 1-168-29(7694)
అహస్సు రమయంతీ సా నిశాకాలేషు పాండవం।
ఆనీయ వై స్వకే గేహే దర్శయామాస మాతరం॥ 1-168-30(7695)
భ్రాతృభిః సహితో నిత్యం స్వపతే పాండవస్తథా।
కుంత్యాః పరిచరంతీ సా తస్యాః పార్శ్వేవసన్నిశాం॥ 1-168-31(7696)
కామాంశ్చ ముఖవాసాదీనానయిష్యతి భోజనం।
తస్యాం రాత్ర్యాం వ్యతీతాయామాజగామ మహావ్రతః॥ 1-168-32(7697)
పారాశర్యో మహాప్రాజ్ఞో దివ్యదర్శీ మహాతపాః।
తేఽభివాద్య మహాత్మానం కృష్ణద్వైపాయనం శుభం।
తస్థుః ప్రాంజలయః సర్వే సస్నుషా చైవ మాధవీ॥ 1-168-33(7698)
శ్రీవ్యాస ఉవాచ। 1-168-34x(988)
మయేదం మనసా పూర్వం విదితం భరతర్షభాః।
యథా స్థితైరధర్మేణ ధార్తరాష్ట్రౌర్వివాసితాః॥ 1-168-34(7699)
తద్విదిత్వాఽస్మి సంప్రాప్తశ్చికీర్ష్వై పరం హితం।
న విషాదో హి వః కార్యః సర్వమేతత్సుఖాయ వః॥ 1-168-35(7700)
సుహృద్వియోజనం కర్మ పురాకృతమరిందమాః।
తస్య సిద్ధిరియం ప్రాప్తా మా శోచత పరంతపాః॥ 1-168-36(7701)
సమాప్తే దుష్కృతే చైవ యూయం తే వై న సంశయః।
స్వరాష్ట్రే విహరిష్యంతో భవిష్యథ సబాంధవాః॥ 1-168-37(7702)
దీనతో బాలతశ్చైవ స్నేహం కుర్వంతి బాంధవాః।
తస్మాదభ్యధికః స్నేహో యుష్మాసు మమ సంప్రతి॥ 1-168-38(7703)
స్నేహపూర్వం చికీర్షామి హితం యత్తన్నిబోధత।
వసతేహ ప్రతిచ్ఛన్నా మమాగమనకాంక్షిణః॥ 1-168-39(7704)
ఏతద్వై శాలిహోత్రస్య తపసా నిర్మితం సరః।
రమణీయమిదం తోయం క్షుత్పిపాసాశ్రమాపహం॥ 1-168-40(7705)
కార్యార్థినస్తు షణ్మాసాన్విహరధ్వం యథాసుఖం॥ 1-168-41(7706)
వైశంపాయన ఉవాచ। 1-168-42x(989)
ఏవం స తాన్సమాశ్వాస్య వ్యాసః పార్థానరిందమాన్।
స్నేహాచ్చ సంపరిష్వజ్య కుంతీమాశ్వాసయత్ప్రభుః॥ 1-168-42(7707)
స్నుషే మా రోద మా రోదేత్యేవం వ్యాసోఽబ్రవీద్వచః।
జీవపుత్రే సుతస్తేఽయం ధర్మనిత్యో యుధిష్ఠిరః॥ 1-168-43(7708)
పృథివ్యాం పార్థఇవాన్సర్వాన్ప్రశాసిష్యతి ధర్మరాట్।
ధర్మేణ జిత్వా పృథివీమఖిలాం ధర్మకృద్వశీ॥ 1-168-44(7709)
స్థాపయిత్వా వశే సర్వాం సపర్వతవనాం శుభాం।
భీమసేనార్జునబలాద్భోక్ష్యత్యయమసంశయం॥ 1-168-45(7710)
పుత్రాస్తవ చ మాద్ర్యాశ్చ పంచైతే లోకవిశ్రుతాః।
స్వరాష్ట్రే విహరిష్యంతి సుఖం సుమనసస్తదా॥ 1-168-46(7711)
యక్ష్యంతి చ నరవ్యాఘ్రా విజిత్య పృథివీమిమాం।
రాజసూయాశ్వమేధాద్యైః క్రతుభిర్భూరిదక్షిణైః॥ 1-168-47(7712)
అనుగృహ్య సుహృద్వర్గం ధనేన చ సుఖేన చ।
పితృపైతామహం రాజ్యమహారిష్యంతి తే సుతాః॥ 1-168-48(7713)
స్నుషా కమలపత్రాక్షీ నాంనా కమలపాలికా।
వశవర్తినీ తు భీమస్య పుత్రమేషా జనిష్యతి॥ 1-168-49(7714)
తేన పుత్రేణ కృచ్ఛ్రేషు భవిష్యథ చ తారితాః।
ఇహ మాసం ప్రతీక్షధ్వమాగమిష్యాంయహం పునః॥ 1-168-50(7715)
దేశకాలౌ విదిత్వైవం యాస్యధ్వం పరమాం ముదం॥ 1-168-51(7716)
వైశంపాయన ఉవాచ। 1-168-52x(990)
స తైః ప్రాంజలిభిః సర్వైస్తథేత్యుక్తో జనాధిప।
జగామ భగవాన్వ్యాసో యథాగతమృషిః ప్రభుః॥ ॥ 1-168-52(7717)

ఇతి శ్రీమన్మహాభారతే ఆదిపర్వణి హిడింబవధపర్వణి అష్టషష్ట్యధికశతతమోఽధ్యాయః॥ 168 ॥

Mahabharata - Adi Parva - Chapter Footnotes
1-168-38 దీనతో బాలత ఇతి ద్వయం భావప్రధానం॥
అష్టషష్ట్యుత్తరశతతమోఽధ్యాయః॥ 168 ॥

www.sanatanadharm.com - play store app (sanatana dharm)

"Bharathiya Sanatana Dharm" and Sanatana Dharmam & Dharmo rakshati Rakshitha logo are our trademarks. Unauthorised use of "Sanatana Dharmam & Dharmo rakshoati Rakshitha" and the logo is not allowed. Copyright © sanatanadharm.com All Rights Reserved . Made in India.